Yeh Daur kuch aur hai, Isshq ki Maggie bas 2 minute me tyaar ho jaati Woh Daur kuch aur tha, Mohabbat ki Biryani bannein mein waqt lagta tha Aaj Social Media ke status se hi humein Unka Dil-e-haal bayan ho jaata Pehle Ganto, din, mahine lag jaate the ek Chitthi untak pahuchane mein
Isshq ka agar koi daur tha to unka tha, Hum to bas tukdon mein jee rahein hai Duniya ke saamne has rahein hai aur ghar ke kisi kone me akele roo rahein hai Pyaar na hogaya koi class ki pencil ho gayi, Kabhi inke to kabhi unke paas hai Thoda ruk jaao, Sabr rahkho, Sabko thoda Rahat milega, sabki Mohabbat khas hai
Kaun kehta hai Mohabbat ka zamana nahi hota Kaun kehta hai Isshq Kabhi purana nahi hota Haan pehle ki tarah Pyaar ab Deewana bhi nahi hota Par aajkal Love me kisi ko Manana bhi to nahi hota
Lekin Aashqui aaj bhi kam nahi, Majnu Aaj bhi Laila ka Intezaar karta hai Chahein ise Facebook par friend request accept karne ka Intezaar kehlo Ya Whatsapp par Good morning se lekar Good night wale GIF ka Intezaar Ab Intezaar to Intezaar hota hai, chahe woh Kitna bachkana Kyu na Lagein
Kya karein, Isshq Karna aaj bhi bada Mushkil hai, Dil to aaj bhi naadan hai Har baar bas Dard ko haske pee jaana hai, Mano Dil ka yahi to bas kaam hai Ab kyu na ho, insan badal jaatein hai, tarika to aaj bhi aasaan hai Zikr-e-mohabbat se zyada, aaj bhi humein sabse pyari apni shaan hai
Commenti