Aaj Phir Subah Hui, Aaj phir mai der se utha Aaj Chai mein biscuit phir dub gaya Aaj Bahar Kutte Bhonk nahi rahein Aaj Panchi maano Bolna bhul gaye ho Aaj Zindagi Chup Chap Jhaank rahi thi Balcony se
Nashte me Aaj Parathe bane the, aur Aaj Dahi bhi tha Aaj Maa ne Imli ki chutney bhi banayi thi Aaj phir se Pehle kamre se Dusra kamre Tak Jaana tha Aaj ka safar bhi jaldi taye hogaya Aaj Zindagi Chup Chap Jhaank rahi thi Balcony se
Dopahar Aaj Lambi thi, Aaj phir neend nahi aayi Aaj Der se jo utha tha, Nahi Dost Pyar nahi hai Aaj Lunch me Papa ne Khichdi Banayi Aaj thodi jal gayi thi magar Maa ne Ghee ka takda laga diya Aaj Zindagi Chup Chap Jhaank rahi thi Balcony se
Aaj Sham bhi der se aayi, Aaj Mausam bhi Kaafi Alag tha Aaj Papa ko Chai ki talab ne phir Pukara Mummy ne Aaj chai ke saath Pakode bhi Banaye Par aaj Chai aur Pakore ke saath Bhai Ki Maggie bhi thi Aaj Zindagi Chup Chap Jhaank rahi thi Balcony se
Aaj phir Raat Sannate bhari thi, aur aaj Bhi Kutte Shant the Aaj Dinner me Roti ke saath Daal aur Gud tha Yeh Dekh Choti ne phir aaj gandi si shakal banayi Aaj Phir Maa ne Freeze se Ice cream nikali, aur choti ne phat se khana khatam kiya Aaj Zindagi Chup Chap Jhaank rahi thi Balcony se
Aaj Sab Saath Baithe The, Aaj Ek Saath Baithe the Aaj TV me Sabki aankhein Ghusi padi thi News channel Par Aaj Khabar Aayi, 21 Din Hue Khatam, 30 Din ki aur hai Judai Yeh Sun sab phir se Ro Pade, Gusse me papa, Aaj Mummy muskurayi Aaj Zindagi Chup Chap Muskura rahi thi Balcony se
Comentários